I Na'an-Mu hinemlo'-hu, O Yu'os-hu,
ya i hinasso put Hagu rimediu-hu, I hinihot gi ya Hagu i esperensia-ku, ya i
guinaiya para Hagu i kompaniha-hu. I mina'ase'-Mu gi ya guahu i hinemlo'-hu yan i
alibiu-hu parehu guini na tano' yan i manmamamaila' na tano! Hagu, sen magahet, i
Todu-Miguinaha, i Todu-Gaitiningo', i Todu-Hulon.
-- Bahá'u'lláh
OTRO
SIHA NA TINAITAI
Gloria gi ya Hagu, O Yu'os, put i dangkolon
guinaiya-Mu nu i taotao-Mu! Hagu, I Lina'la'yan Kandet-mami, chachalani i
setbente-Mu gi chachalan-Mu, ya na'fanriku ham gi grasia-Mu yan libri gi todu fuera ki
Hagu.
O Yu'os, fa'na'gue ham ni Uniku-Mu yan ogte ham
ni mandaña'-Mu kosaki ti in fanmanli'e' fuera ki Hagu. Hagu i Yo'ase' yan Geftao
guinaha.
O Yu'os, totnge i guafen guinaiya gi kurason i
guinaiya-Mu, kosaki u sinengge todu i hinasso-ña fuera ki Hagu.
Fatta ham O Yu'os, ni taihinekkok tinakhilo'-Mu
sa' Hagu hagas ha' yanpara todu i tiempo, ya taya' Yi'os mas ki Hagu. Gof magahet,
gi ya Hagu nai bai in sedda' i ginefsaga yan i minetgot.
-- Bahá'u'lláh